kahtā rahe zamāna gunahgār zindagī
kuchh log jī rahe haiñ mazedār zindagī
kirdār apnā apnā nibhāte haiñ sab yahāñ
samjho na tum kisī kī hai be-kār zindagī
ik vaqfa-e-ajal bhī to aatā hai darmiyāñ
chaltī nahīñ kisī kī lagātār zindagī
aage nikal chuke the ham apne vajūd se
phir bhī huī na kam tirī raftār zindagī
raste ka.ī hasīn nikalte jahāñ se the
laa.ī thī aise moḌ pe ik baar zindagī
hai zindagī se shikva unheñ bhī bahut 'faroġh'
hisse meñ jin ke i hai gulzār zindagī