Muneer Shikohabadi

kuchh nahin hasil sipar ko chir ko ya talwar toD

Muneer Shikohabadi

Shikohabad, Uttar pradesh, India

1813-1880

kuchh nahīñ hāsil sipar ko chiir ko talvār toḌ

hai agar tāqat to mere āñsuoñ taar toḌ

terī chashm o zulf se saudā-e-ham-chashmī kiyā

ai sanam bādām-e-chashm-e-āhū-e-tātār toḌ

zulf meñ motī pironā mere haq meñ zahr hai

aaj ai mashshāta-e-dandāñ dahān-e-yār toḌ

silsila gabr-o-musalmāñ adāvat miTā

ai parī be-parda ho kar sub.ha-o-zunnār toḌ

kibr bhī hai shirk ai zāhid muvahhid ke huzūr

le ke tesha ḳhāksārī but-e-pindār toḌ

āb-e-gauhar se badan aab hotī hai ḳharāb

bojh hai ai nāznīñ ye motiyoñ haar toḌ

sharm kab tak ai parī haath kar iqrār-e-vasl

apne dil ko saḳht kar ke rishta-e-inkār toḌ

sabr kab tak raah paidā ho ki ai dil jaan jaa.e

ek Takkar maar kar sar phoḌ dīvār toḌ

ai zuleḳhā naqd-e-jāñ ham deñ lagā gañj-e-zar

qīmat-e-yūsuf ho jaa.e sar-e-bāzār toḌ

chaḌh ke koThe par dikhā de apne abrū meñ shikan

ai parī-paikar halāk-e-charḳh talvār toḌ

aa.ina hai māne-e-nazzāra-e-husn-o-jamāl

ho sake to sadd-e-askandar ko ai dildār toḌ

māne-e-mastī ko bad-mastī dikhānā chāhiye

mohtasib shīsha-e-dil ai bu-e-mai-ḳhvār toḌ

husn-e-peshānī se qasr-e-charḳh ko barbād kar

lauh-e-qur.āñ se tilism-e-gumbad-e-davvār toḌ

naam ko ai dil na rakh asbāb-e-islāh-e-junūñ

vādī-e-vahshat meñ chal kar nashtar-e-har-ḳhār toḌ

āñkheñ phoḌ us jo dekhe be-ijāzat muñh tirā

shauq se ai mast jām-e-sharbat-e-dīdār toḌ

ishq-e-zulf-e-ambar-afshāñ na TuuTe silsila

paañv zanjīr ai dast-e-junūñ sau baar toḌ

sā.il-e-bosa haiñ un ko dekh chashm-e-qahr se

aañkh ke Dheloñ se ai but ḳhātir-e-aġhyār toḌ

husn-e-ġham meñ ek muddat se muqayyad hai 'munīr'

fikr-e-duniyā hisār ai haidar-e-karrār toḌ

Top Urdushayar.com