raah kar ke us but-e-gumrāh ne dhokā diyā

gir paḌe andhe kuñ.eñ meñ chaah ne dhokā diyā

ho ga.e maġhrūr mujh ko āshiq apnā jaan kar

haa.e is dil kā burā ho aah ne dhokā diyā

jaan kar us but kā ghar ka.abe ko sajda kar liyā

ai barahman mujh ko baitullāh ne dhokā diyā

maiñ ne jaanā baal muñh par khol kar aa.e huzūr

chhup kar abr-e-tar meñ qurs-e-māh ne dhokā diyā

sheḳh sāhab aap ko but-ḳhāne meñ laayā 'munīr'

pīr-o-murshid banda-e-dargāh ne dhokā diyā