hairān ho rahā huuñ basīrat ke naam par
maiñ dekhtā kuchh aur huuñ manzar kuchh aur hai
mujh ko sitāra aur koī khīñchtā hai kyuuñ
merā ilāqa aur hai mehvar kuchh aur hai
patthar samajh rahā hai zamāna to kyā karūñ
muTThī meñ merī jab ki munavvar kuchh aur hai
tāsīr-e-ḳhāk aa.egī alfāz meñ mire
dil meñ hai aur baat laboñ par kuchh aur hai
'ālam' mujhe bharosa nahīñ zā.ichoñ pe ab
is meñ likhā thā aur mayassar kuchh aur hai