husn kī bijliyāñ al-amāñ al-amāñ
ishq kī garmiyāñ jāvedāñ jāvedāñ
baaġh meñ gar nasheman jalā kyā huā
ġham hai sahrā hue gulistāñ gulistāñ
kuchh na mahmil-nashīñ kā pata mil sakā
ham phire DhūñDte kārvāñ kārvāñ
bāġh-e-ālam meñ gar koī bijlī girī
raushnī ho ga.ī āshiyāñ āshiyāñ
hai yaqīnan koī baat aisī ki tum
ho tabassum ba-lab shādmāñ shādmāñ
ek din ġhuncha-dil bhī khil jā.egā
aa.egī fasl-e-gul gulsitāñ gulsitāñ
kyā asar kuchh girānī kā tum par nahīñ
shams' phirte ho kyuuñ shādmāñ shādmāñ