qismat ko apne likkhe ke ta.iiñ kaun dho sake

sab ho sake va-lek ye itnā na ho sake

phūloñ kī sej us ke liye farsh-e-ḳhār hai

tujh bin kisī tarah tirā āshiq na ho sake

tujh bin na kar sake mai-e-ishrat se halq tar

ḳhūñ-nāb-e-ġham se lab tirā āshiq na ho sake

gar chāhe gulshan-e-dil-e-pur-dāġh kī bahār

tū tuḳhm-e-ashk jitne ki ai diida bo sake

dekhā asar tumhārā bhī ai chashm-e-ashk-bār

kuchh kar sake na us kā ghar apnā Dubo sake

dil kī havas nikāl leñ āh-o-fuġhāñ bhī aap

ye bhī na darguzar kareñ jo un se ho sake

na.iiñ jān-o-dil ke khone 'jahāñdār' ko dareġh

yaad us kī par na jān-o-dil apne se kho sake