Duubā huā uThūñ dam-e-mahshar sharāb meñ

de deñ kafan jo yaar Dubo kar sharāb meñ

maane na maane koī pa itnā kaheñge ham

hai zauq-e-be-ḳhudī to muqarrar sharāb meñ

māneñ jo merī baat murīdān-e-be-riyā

deñ shaiḳh ko kafan to Dubo kar sharāb meñ

kis ke ḳhirām-e-nāz se miltī hai mauj-e-jām

barpā hai ek fitna-e-mahshar sharāb meñ

vo rind-e-bāda-kash huuñ ki 'mā.il' pas-e-fanā

jalve ne tire qahr uThāyā naqāb meñ