jo tū gayā thā to terā ḳhayāl rah jaatā
hamārā koī to pursān-e-hāl rah jaatā
burā thā yā vo bhalā lamha-e-mohabbat thā
vahīñ pe silsila-e-māh-o-sāl rah jaatā
bichhaḌte vaqt Dhalaktā na gar in āñkhoñ se
is ek ashk kā kyā kyā malāl rah jaatā
tamām ā.īna-ḳhāne kī laaj rah jaatī
koī bhī aks agar be-misāl rah jaatā
gar imtihān-e-junūñ meñ na karte qais kī naql
'jamāl' sab se zarūrī savāl rah jaatā