bolā haiñ rañg kitne zamāne ke aur bhī
us ne kahā haiñ bhed batāne ke aur bhī
bolā tumhāre dil meñ mohabbat ne ghar kiyā
maiñ ne kahā haiñ rog lagāne ke aur bhī
maiñ ne kahā vafā kī kabhī dāstāñ sunī
bolā haiñ qisse sunñe sunāne ke aur bhī
iz.hār se buland hai maiñ ne batāyā ishq
bolā maze haiñ is ko jatāne ke aur bhī
batlāyā rāh-e-ishq hai dushvār soch lo
kahne lagā haiñ rāste aane ke aur bhī