mujhe sire se pakaḌ kar udheḌ detī hai
maiñ ek jhuuT vo sachche subūt jaisī hai
maiñ roz roz tabassum meñ chhuptā phirtā huuñ
udāsī hai ki mujhe roz DhūñDh letī hai
zarūr kuchh to banā.egī zindagī mujh ko
qadam qadam pe mirā imtihān letī hai
jo ek phuul khilā hai sahar kī palkoñ par
tumhāre jism kī ḳhushbū usī ke jaisī hai
vo raushnī jo sitāroñ kā ḳhaas zevar hai
amiiq āñkhoñ meñ akasr dikhā.ī detī hai