achchhā to tum aise the
duur se kaise lagte the
haath tumhāre shaal meñ bhī
kitne ThanDe rahte the
sāmne sab ke us se ham
khiñche khiñche se rahte the
aañkh kahīñ par hotī thī
baat kisī se karte the
qurbat ke un lamhoñ meñ
ham kuchh aur hī hote the
saath meñ rah kar bhī us se
chalte vaqt hī milte the
itne baḌe ho ke bhī ham
bachchoñ jaisā rote the
jald hī us ko bhuul ga.e
aur bhī dhoke khāne the