Barq Dehlvi

dil jo surat-gar-e-mani ka sanam-KHana bane

Barq Dehlvi

Etawah, Uttar pradesh, India

1884-1936

dil jo sūrat-gar-e-ma.anī sanam-ḳhāna bane

aañkh jis shai pa paḌe jalva-e-jānāna bane

utne ho ga.e ham manzil-e-irfāñ ke qarīb

jis qadar rasm-o-rah-e-dahr se begāna bane

tā-dar-e-yār pahuñchtā hai vo ḳhud-rafta-e-shauq

apnī hastī se jo is raah meñ begāna bane

zarf-e-mai TuuT ke bhī hone na paa.e bekār

ho shikasta koī shīsha to vo paimāna bane

sa.i-e-nākām se maiñ haath uThā.ūñgā na 'barq'

merī bigḌī huī taqdīr bane na bane

Top Urdushayar.com