pahle to neze ḳhvāb meñ boyā kareñge raat din
āñkhoñ se apnī ḳhuun phir dhoyā kareñge raat din
ham titliyoñ ke pañkh pe dhāreñ lagā ke niiñd kī
ik shahr-e-nau ke ḳhvāb meñ chhoḌā kareñge raat din
bedār rah kar bhī hameñ ḳhvārī milī so tai kiyā
maut aa na jaa.e jab talak soyā kareñge raat din
tum ik javāb-e-muḳhtasar kā ham se jo va.ada karo
ham ik savāl-e-vasl hī sochā kareñge raat din