maiñ insān-e-naua huuñ maiñ īsā-nafas huuñ
zamīñ se tumhārī maiñ phir kal uThūñgā
maiñ aadam huuñ be-jāñ sā patthar nahīñ huuñ
bhañvar sā huuñ sahrā meñ pal pal uThūñgā
huuñ dariyā kā paanī ki jab bhī marūñgā
samundar kī ban ke maiñ halchal uThūñgā
kabhī kī jo sūraj ne va.ada-ḳhilāfī
ye hai merā va.ada ke maiñ jal uThūñgā
koī ishq jaise purānā ho 'ātif'
maiñ mar ke bhī dil meñ musalsal uThūñgā