shāḳh-e-armāñ kī vahī be-sabrī aaj bhī hai
mojib-e-girya-e-shām-o-sahrī aaj bhī hai
vahī ā.īna-ba-kaf dīda-varī aaj bhī hai
un meñ pahle kī tarah ḳhud-nigarī aaj bhī hai
sañg-bāroñ ke liye dard-sarī aaj bhī hai
kal garāñ thī jo mirī shīsha-garī aaj bhī hai
aaj bhī morid-e-ilzām hai ma.asūm nigāh
jurm ilzām se kal bhī thā barī aaj bhī hai
baat dushvārī-e-manzil kī na.ī baat nahīñ
raah pahle bhī thī kāñToñ se bharī aaj bhī hai