bāzār kī fasīl bhī ruḳhsār par male

dūd-e-charāġh jo kisī shorāb se jale

māthe kī biñdī haath kī rākhī duā ke bol

bīmār ke qarīb masīhā.ī meñ Dhale

kāġhaz kī naav TuuTā diyā taash kā mahal

apne haiñ ham-jalīs yahī chand manchale

itnā to ehtimām rahe aartī ke saath

gehūñ kī fasl ke liye shorāb bhī Dhale

'ahmad' ab āftāb ke andar bhī aa.iye

tai ho chuke tamām ujāloñ ke marhale