kab tak dil kī ḳhair manā.eñ kab tak rah dikhlāoge

kab tak chain kī mohlat doge kab tak yaad na aaoge

biitā diid ummīd kā mausam ḳhaak uḌtī hai āñkhoñ meñ

kab bhejoge dard kā bādal kab barkhā barsāoge

ahd-e-vafā yā tark-e-mohabbat jo chāho so aap karo

apne bas kī baat hī kyā hai ham se kyā manvāoge

kis ne vasl kā sūraj dekhā kis par hijr kī raat Dhalī

gesuoñ vaale kaun the kyā the un ko kyā jatlāoge

'faiz' diloñ ke bhaag meñ hai ghar bharnā bhī luT jaanā thī

tum is husn ke lutf-o-karam par kitne din itrāoge