koī taqrīb ho lāchāriyāñ haiñ

baḌe logoñ se rishte-dāriyāñ haiñ

hamārī kaj-kulāhī par na jaao

abhī ham meñ vahī ḳhuddāriyāñ haiñ

muravvat āo-bhagTī vaz.a-dārī

ye pichhle ahd kī bīmāriyāñ haiñ

ḳhushā jin ko mayassar aa.eñ nīndeñ

yahāñ to umr bhar bedāriyāñ haiñ

nahīñ hai aadmī ke bas meñ kuchh bhī

to phir kaahe kī ḳhud-muḳhtāriyāñ haiñ

vazīr-o-mīr hoñ yā shaiḳh-o-vā.iz

sabhī logoñ meñ zāhir-dāriyāñ haiñ

nahīñ hai monis-e-jāñ 'sāz' koī

dikhāve kī faqat dil-dāriyāñ haiñ