Sirajuddin Zafar

din ko bahr-o-bar ka sina chir kar rakh dijiye

Sirajuddin Zafar

Jhelum, Punjab, Pakistan

1912-1972

din ko bahr-o-bar siina chiir kar rakh dījiye

raat ko phir pā-e-gul-rūyāñ pe sar rakh dījiye

dekhiye phir kyā damakte haiñ gul-andāmān-e-shahr

ik zarā un meñ mohabbat sharar rakh dījiye

āhuvān-e-shab gurezāñ hoñ to un raah meñ

dām-e-dil rakh dījiye dām-e-nazar rakh dījiye

but-parastī kījiye is shiddat-e-ehsās se

sañg meñ bhī juzv-e-ehsās-o-ḳhabar rakh dījiye

zohd agar jang-āzmā ho khīñchiye shamshīr-e-shauq

husn agar madd-e-muqābil ho sipar rakh dījiye

rāhat-e-jān-e-'zafar' haiñ shāhidān-e-be-hunar

rauñdne ko un ke qadmoñ meñ hunar rakh dījiye

Top Urdushayar.com