tū mere dil meñ utar aa kabhī qayām to kar
milan se apne koī phir hasīn shaam to kar
ḳhamosh kyuuñ hai tū ab ye ḳhamoshī toḌ bhī de
bahut udaas huuñ maiñ aa koī kalām to kar
mujhe pata hai guzarte ho roz is galī se
kabhī guzarte hue hī Thahar salām to kar
ye nafrateñ miTā taskīn dekh pyaar kī phir
mohabbatoñ meñ sukūñ kitnā hai ye aam to kar
sameT lā to bahāreñ mire liye bhī mahak
ye phuul ḳhushbū kabhī sab mire bhī naam to kar