ban ke yūsuf maiñ kabhī zer-e-qafas jaatā huuñ
kabhī majnūñ kī tarah dasht meñ phañs jaatā huuñ
jab bhī uThte haiñ tirī yaad ke sho.ale dil se
khaal bachtī hai maiñ andar se jhulas jaatā huuñ
apne hisse ke ujāle bhī use detā huuñ
ḳhud añdheroñ meñ ujāloñ ko taras jaatā huuñ
ḳhvāb ban ke maiñ guzartā huuñ ka.ī āñkhoñ se
phir jo bhātī hai usī aañkh meñ bas jaatā huuñ
ban ke uThtā huuñ buḳhārāt dil-e-tanhā se
phir maiñ āñkhoñ kī ghaTāoñ se baras jaatā huuñ