Mohammad Naqi Rizvi Asr

nigah-e-lutf se teri kahin jo hum milte

Mohammad Naqi Rizvi Asr

Allahabad, Uttar pradesh, India

1918

nigāh-e-lutf se terī kahīñ jo ham milte

hamārī ziist ke shām-o-sahar baham milte

hameñ fareb-e-ḳhirad ne Dubo diyā varna

hamāre jaam se ḳhud aa ke jām-e-jam milte

kisī ke dard pe hañsnā kisī ke ġham meñ ḳhushī

ye lamhe kaash zamāne ko kam se kam milte

na hote ham to zamāne āgahī qasam

na lauh miltī na tum ko kahīñ qalam milte

sar-e-niyāz azmat ke raaz jab khulte

dar-e-butāñ se nishān-e-dar-e-haram milte

tamām-umr gañvā talāsh meñ lekin

ḳhudā na miltā na miltā kahīñ sanam milte

kalām-e-'asar' arzish nahīñ zamāne meñ

kahīñ jo hotī to halke se kuchh varam milte

Top Urdushayar.com