kuchh dinoñ tak hī shanāsā.ī rahī

phir mirī shab mirī tanhā.ī rahī

raunaq-e-mahfil na aa.ī kaam kuchh

zindagī jab ḳhud se uktā.ī rahī

vaqt-e-ruḳhsat ḳhuub hī barsī magar

āñkhoñ meñ ġham kī ghaTā chhā.ī rahī

dhīre dhīre zaḳhm āḳhir bhar ga.e

bas zarā sūrat hī kajlā.ī rahī

chalte chalte kho ga.e manzar kahīñ

aañkh jin kī bhī tamannā.ī rahī

Dhal gayā sūraj ujāle chhīn kar

raat ke sar bazm-ārā.ī rahī

yaad aa.egī kahāñ us ko 'suman'

ishq meñ ab vo na gahrā.ī rahī