ham baḌe dasht-e-balā se guzre
un se guzre na ḳhudā se guzre
bārhā shahr-e-vafā se guzre
ek sunsān fazā se guzre
ham ne har baar dar-e-dil kholā
hādse terī adā se guzre
dil meñ bikhre the tirī yaad ke phuul
ġham ke lashkar bhī sabā se guzre
talḳh yādoñ meñ thī ḳhushbu-e-vafā
ab ke jab kū-e-jafā se guzre
har qadam tiir malāmat ke chale
laakh ham sidq-o-safā se guzre
ab hai tanhā.ī-e-dasht-e-furqat
raunaq-e-kū-e-jafā se guzre