mere murshid ho peshvā ho tum
merī sūrat meñ mudda.ā ho tum
DhūñDhe paatā nahīñ tumheñ har shaḳhs
par sabhoñ meñ ḳhalā-malā ho tum
ma.anī-e-mustafā tumhīñ to ho
kāshif-e-sirr-e-lā-makāñ ho tum
jaañ bhī ho dil ho jumbish-e-a.azā
buud ho kal mirī baqā ho tum
jab tumhīñ tum ho har adā merī
phir bhalā mujh se kab judā ho tum
har jagah jab tumhīñ ho ġhair nahīñ
donoñ aalam meñ barmalā ho tum
'shāh-e-mardān-e-safī' se sun lo saaf
jis ko the DhūñDte dilā ho tum