har ik ne kahā kyuuñ tujhe ārām na aayā
sunte rahe ham lab pe tirā naam na aayā
dīvāne ko taktī haiñ tire shahar kī galiyāñ
niklā to idhar lauT ke bad-nām na aayā
mat pūchh ki ham zabt kī kis raah se guzre
ye dekh ki tujh par koī ilzām na aayā
kyā jāniye kyā biit ga.ī din ke safar meñ
vo muntazir-e-shām sar-e-shām na aayā
ye tishnagiyāñ kal bhī thiiñ aur aaj bhī 'zaidī'
us hoñT kā saaya bhī mire kaam na aayā