ai musavvir yaad kī tasvīr khīñchā chāhiye
haath merā us kā dāman-gīr khīñchā chāhiye
mujh se bismil kī agar tasvīr khīñchā chāhiye
ye galā merā tah-e-shamshīr khīñchā chāhiye
bast-e-zulf-e-musalsal hai ye dil sūrat-garo
donoñ jānib us ke do zanjīr khīñchā chāhiye
rañg-e-zard-e-āshiqāñ kar sirf jā-e-zāfarāñ
is basantī-posh kī tasvīr khīñchā chāhiye
kāġhaz-e-abrī pe likh hāl-e-dil-e-pur-soz-e-ishq
gird us ke barq kī tahrīr khīñchā chāhiye