bāġh-e-jahāñ meñ sarv sā gardan-kashīda huuñ

dāman ta.alluqāt se aalam ke chīda huuñ

is qāfila ko naala sunāne kā zauq niiñ

misl-e-jaras ke maiñ na dahān-e-darīda huuñ

niiñ bhūlne kā misl-e-jaras kī fuġhāñ ke ta.iiñ

nālāñ huuñ dil agarche lab-e-ārmīda huuñ

bismil huuñ dil-figār huuñ aur jāñ-ba-lab huuñ aah

sūrat ayaañ hai naale kī halq-e-burīda huuñ

rakhtā huuñ is liye dil-e-sozāñ o chashm-e-tar

jiyūñ sham.a dard-e-dāġh se ishq-āfrīda huuñ