ḳhurshīd-rū ke mahr kī jis par nigāh ho
taale usī kā ḳhalq meñ raḳhshanda-māh ho
dushman haiñ diin o dil ke butāñ dekh be-ḳhabar
is tarah kiijo rabt ki jis meñ nibāh ho
hargiz na aib-e-husn kahe kis ke muñh pe saaf
kar ā.īna mirā dil-e-raushan nigāh ho
rahtā hai dil to us ke zanaḳhdāñ ke chaah biich
niiñ hai ba.iid us ko bhī gar dil kī chaah ho
āsāñ sirāt-e-hashr se ho ek pal meñ paar
gar saath 'ishq'-e-āsī ke fazl-e-ilāh ho