maiñ ik shā.ir huuñ asrār-e-haqīqat khol saktā huuñ
nidā-e-ġhaib ban kar sab ke dil meñ bol saktā huuñ
ḳhudā ne jis tarah kholā hai mere dil kī āñkhoñ ko
yūñhī maiñ har kisī ke dil kī āñkheñ khol saktā huuñ
vadī.at kī hai qudrat ne vo mīzān-e-nazar mujh ko
ki ḳhūb-o-zisht aalam ko ba-ḳhūbī taul saktā huuñ
qanā.at kā ye aalam hai ki musht-e-ḳhāk ke badle
javāhar ko bhī miTTī meñ ḳhushī se rol saktā huuñ