kisī ko sochnā dil kā gudāz ho jaanā
havā kī chheḌ se pattoñ kā saaz ho jaanā
kabhī vo guftugū jaise ki kuchh chhupā hī nahīñ
kabhī vo boltī āñkhoñ kā raaz ho jaanā
baḌhānā haath pakaḌne ko rañg muTThī meñ
to titliyoñ ke paroñ kā darāz ho jaanā
kabhī to ġhaflateñ sajdoñ meñ aur kabhī yuuñ bhī
ki us ko soch hī lenā namāz ho jaanā
vo Dūbtā huā sūraj vo kārvāñ kā ġhubār
haqīqatoñ kā bhī pal meñ majāz ho jaanā
kivāḌ khulte hoñ jaise kisī ḳhazāne ke
vo ḳhvāb ḳhvāb sī āñkhoñ kā baaz ho jaanā