kambaḳht dil ne ishq ko vahshat banā diyā
vahshat ko ham ne bā.is-e-rahmat banā diyā
kyā kyā muġhālate diye daur-e-jadīd ne
nafrat ko pyaar pyaar ko nafrat banā diyā
ham ne hazār fāsle jī kar tamām shab
ik muḳhtasar sī raat ko muddat banā diyā
ai jaan apne dil pe mujhe naaz kyuuñ na ho
ik ḳhvāb thā ki jis ko haqīqat banā diyā
maḳhsūs had pe aa ga.ī jab be-ruḳhī tirī
us had ko ham ne hāsil-e-qismat banā diyā