Naresh Kumar Shad

kaun sulagte aansu roke aag ke TukDe kaun chabae

Naresh Kumar Shad

Hoshiarpur, Punjab, India

1927-1969

kaun sulagte aañsū roke aag ke TukḌe kaun chabā.e

ai ham ko samjhāne vaale koī tujhe kyuuñ kar samjhā.e

jīvan ke andhiyāre path par jis ne terā saath diyā thā

dekh kahīñ vo komal aashā aañsū ban kar TuuT na jaa.e

is duniyā ke rahne vaale apnā apnā ġham khāte haiñ

kaun parāyā rog ḳharīde kaun parāyā dukh apnā.e

haa.e mirī māyūs ummīdeñ vaa.e mire nākām irāde

marne tadbīr na sūjhī jiine ke andāz na aa.e

is duniyā ke ġham-ḳhāne meñ ġham se itnī fursat kab hai

kaun sitāroñ muñh chūme kaun bahāroñ meñ lahrā.e

zabt bhī kab tak ho saktā hai sabr bhī ik had hotī hai

pal bhar chain na paane vaalā kab tak apnā rog chhupā.e

'shād' vahī āvāra shā.er jis ne tujh se pyaar kiyā thā

shahroñ shahroñ ghuum rahā hai armānoñ laash uThā.e

Top Urdushayar.com