ye umr guzrī hai itne sitam uThāne meñ
ki ḳhauf aatā hai aglā qadam uThāne meñ
zamīñ kā mujh se havāla bhī TuuT paayā nahīñ
maiñ sarfarāz rahā terā ġham uThāne meñ
har ek shai pe hai yaksāniyat kā ġhalba kyuuñ
ye imtiyāz-e-vajūd-o-adam uThāne meñ
chamak ke kūcha-e-qātil meñ neze kyā karte
ki josh-e-ḳhūñ thā hamāre qalam uThāne meñ
tumhārī yaad bhī aa.ī to kis tarah aa.ī
hayāt ruk sī ga.ī chashm-e-nam uThāne meñ
shikast khā na sakā merā lafz-e-haq 'rāshid'
maiñ be-ḳhatar rahā us kā alam uThāne meñ