shahādat meñ zafar raushan jabīñ ko dekh le aa kar
sun ai qātil mirī fat.h-e-mubīñ ko dekh le aa kar
mirī yādoñ meñ haiñ ābād mazlūm-e-jahāñ saare
kahāñ tak adl hai dil kī zamīñ ko dekh le aa kar
milā hai yak jahāñ ġham mujh ko terī bevafā.ī se
ye kaisā auj hai jān-e-hazīñ ko dekh le aa kar
mujhe fikr-e-jahāñ kitnī hai apnī zaat meñ 'rāshid'
mile fursat to us ḳhāna-nashīñ ko dekh le aa kar