Ehsan Danish

uTTha hun ek hujum-e-tamanna liye hue

Ehsan Danish

Shamli, Uttar pradesh, India

1915-1982

uTThā huuñ ik hujūm-e-tamannā liye hue

duniyā se rahā huuñ maiñ duniyā liye hue

muddat se garche jalva-gah-e-tūr se ḳhamosh

āñkheñ haiñ ab bhī zauq-e-tamāshā liye hue

duniyā-e-ārzū se kināra to kar ke dekh

duniyā khaḌī hai daulat-e-duniyā liye hue

roz-e-azal se ishq hai nākām-e-ārzū

dil hai magar hujūm-e-tamannā liye hue

ai kam-nigāh dīda-e-dil se nigāh kar

har zarra hai haqīqat-e-sahrā liye hue

hastī sub.h kaun mahfil hai ma.aal

āñkheñ khulī haiñ hasrat-e-jalva liye hue

din-bhar mirī nazar meñ hai vo yūsuf-e-bahār

aatī hai raat ḳhvāb-e-zuleḳhā liye hue

dil phir chalā hai le ke tire āstāñ samt

apnī shikastagī sahārā liye hue

vo din kahāñ ki thī mujhe jiine aarzū

phirtā huuñ ab to dil janāzā liye hue

Top Urdushayar.com