Meer Anees

jab ran mein sar-buland ali ka alam hua

Meer Anees

Faizabad, Uttar pradesh, India

1803-1874

dasht-e-viġha meñ nūr-e-ḳhudā zuhūr hai

dasht-e-viġhā meñ nūr-e-ḳhudā zuhūr hai

hairāñ zamīñ ke nuur se hai charḳh-e-lājvard

mānind-e-kahrubā hai ruḳh-e-āftāb-e-zard

hai āb-e-nahr sūrat-e-ā.īna jalva-gar

tābāñ hai misl-e-chashma-e-ḳhurshīd har bhañvar

partav-fagan huā jo ruḳh-e-qibla-e-anām

mash.hūr ho ga.ī vo zamīñ arsh-ehtishām

phailā jo nūr-e-mahr-e-imāmat dam-e-zavāl

zarroñ se vaañ ke aañkh milānā huā muhāl

ġhul thā zahe husain shaukat zahe vaqār

goyā khaḌe haiñ jañg ko mahbūb-e-kirdgār

ye rū-e-raushan aur ye gesu-e-mushk-e-fām

yaañ shaam meñ to sub.h hai aur sub.h meñ hai shaam

qurbāñ kamān-e-abrū-e-maulā pe jaan o dil

gar māh-e-nau kaheñ to hai tashbīh mubtazil

ruḳhsār haiñ ziyā meñ qamar se ziyāda-tar

jin par Thahar sakī na kabhī shams nazar

kis muñh se kījiye lab-e-jān-baḳhsh bayāñ

chūsī jinhoñ ne ahmad muḳhtār zabāñ

sham-e-harīm-e-lam-yazalī thā gulū-e-shāh

tārīk shab meñ jaise huvaidā ho nūr-e-māh

manzūr yaañ thī mad.h-e-gulū-e-shah-e-umam

yaad aa ga.ī magar ye hadīs-e-ġham-o-alam

thā jo sutūñ ki rukn-e-risālat takiya-gāh

kursī bhī us pusht thī DhūñDhtī panāh

as.hāb-e-ḳhās gird the anjum tarah sab

tābāñ thā biich meñ vo mah-e-hāshmī-laqab

gesū the vo mufassir-e-vallail-izā-sajā

ruḳh se ayaañ the ma.anī-e-vashshams-o-va-zzuhā

pahlū meñ bādshāh ke thā jalva-gar vazīr

sardār-e-dīñ alī-e-valī ḳhalq amiir

masrūf-e-vāz-o-pand the sultān-e-mashriqain

jo ghar se nikle khelte zohrā ke nuur ain

vo gore gore chehroñ pe zulfeñ idhar udhar

aḳhtar se vo chamakte hue kaan ke guhar

masjid meñ aa.e hañste hue jab vo gul-badan

ḳhushbū se sehan-e-masjid-e-jāme banā chaman

beToñ ko thā alī ishāra ki baiTh jaao

lāzim nahīñ ki vaaz meñ naanā ko tum satāo

bole hasan ki vaah hameñ aur kareñ na pyaar

iqrār ke chuke haiñ shahanshāh-e-nām-dār

bhaa.ī se tab kahā ye hasan ne ba-iltifāt

be-vaj.h ham se rūThe ho tum ai niko-sifāt

ye sun ke muñh alī lage dekhne rasūl

hañs kar kahā ye donoñ haiñ mere chaman ke phuul

Top Urdushayar.com