akaḌ shaah ik shaḳhs-e-nādān thā
vo is baat se lekin anjān thā
thī us kī tabī.at meñ āvārgī
himāqat vo kartā thā yak-bārgī
vo qarzoñ ke maare pareshān thā
usūl-e-tijārat se anjān thā
ḳharīdār aate the bas ḳhāl-ḳhāl
ki mausam kā rakhtā na thā vo ḳhayāl
ki sardī meñ vo gole ġhanDe rakhe
to garmī meñ vo uble anDe rakhe
december meñ qulfī kī khole dukān
may meñ rakhe moTe kapḌoñ ke thaan