ho rahe haiñ raat ke diyoñ ke har sū ehtimām
sub.h se jalva-numā hai aaj dīvālī kī shaam
jiit meñ har shaḳhs vo nau-ḳhez ho yā puḳhta-kār
haar se inkār lab-hā-e-masarrat par nisār
ghī tuḌā kar paas vāloñ kī ḳhabar letā huā
char se shāloñ par Tapak jaane se bū detā huā
halva-e-be-dūdh kī thāloñ kā bahr-e-be-karāñ
kashtiyāñ bahtī haiñ yā aa jā rahī haiñ mohriyāñ
kho ga.ī haiñ kaam ke andar kuñvārī laḌkiyāñ
saath vo ham-joliyāñ bhī aa.ī haiñ jo mehmāñ