din Dhalā jaatā hai Dhal jā.egā kho jā.egā

reg-aTī darz se dar aa.ī hai ik zard kiran

aur bāhar vo bhalī dhūp, sunahrī kirneñ

jo kabhī abr ke āġhosh meñ chhup jaatī haiñ

paas hī peḌ pe hudhud kī khaTā-khaT khaT-khaT

aur niDhāl uñgliyāñ kahtī haiñ thakā-thak thak-thak

maiñ ne dekhā hai kahīñ ghir ke jab aa.e bādal

chīḳh uThe log ki ab khetiyāñ lahrā.eñgī

kis tavaqqo.a pe sañvarne lagī phir sochtī shaam

kis kī āñkhoñ kī chamak rāsta dikhlātī hai

phir vahī qumquma-e-shab kī tarah ḳhanda-e-lab

kahe jaatā hai: chalī aao, chalī bhī aao