aao ki jashn-e-marg-e-mohabbat manā.eñ ham!

aatī nahīñ kahīñ se dil-e-zinda kī sadā

ab kuchh nahīñ to niiñd se āñkheñ jalā.eñ ham

aao ki jashn-e-marg-e-mohabbat manā.eñ ham!

sochā na thā ki aa.egā ye din bhī phir kabhī

ik baar phir mile haiñ, zarā muskurā to leñ!

aur apnā apnā ahd-e-vafā bhuul jaa.eñ ham

aao ki jashn-e-marg-e-mohabbat manā.eñ ham!

barsoñ kī baat hai ki mire jī meñ aa.ī thī

maiñ sochtā thā tujh se kahūñ, chhoḌ kyā kahūñ

jo sham.a-e-intizār jalī thī bujhā.eñ ham

aao ki jashn-e-marg-e-mohabbat manā.eñ ham!