maiñ khañDaroñ kī zamīñ pe kab se bhaTak rahā huuñ
qadīm rātoñ kī TuuTī qabroñ ke maile katbe
maiñ khañDaroñ kī zamīñ pe kab se bhaTak rahā huuñ
yahīñ muqaddas, hatheliyoñ se girī hai mehñdī
yahīñ pe māthoñ kī raushnī jal ke bujh ga.ī hai
sapāT chehroñ ke ḳhālī panne khule hue haiñ
maiñ khañDaroñ kī zamīñ pe kab se bhaTak rahā huuñ
yahīñ kahīñ zindagī ke ma.anī gire haiñ aur gir ke kho ga.e haiñ