ek hī ḳhvāb ka.ī baar yūñhī dekhā maiñ ne
tū ne saaḌī meñ uḌas lī haiñ mirī chābiyāñ ghar kī
tū mire paas mire ghar pe mire saath hai 'sonūñ'

mez par phuul sajāte hue dekhā hai ka.ī baar
aur bistar se ka.ī baar jagāyā bhī hai tujh ko
gungunātī huī niklī hai ġhusl-ḳhāne se jab bhī
apne bhīge hue bāloñ se Tapaktā huā paanī
farsh par leT ga.ī hai tū kabhī ruuTh ke mujh se
aur kabhī farsh se mujh ko bhī uThāyā hai manā kar
aur ma.alūm hai jab dekhā thā ye ḳhvāb tumhārā
apne bistar pe maiñ us vaqt paḌā jaag rahā thā