chilmanoñ ke us taraf jagmagātī zindagī
sāmne aa kar naqāb-e-ruḳh ko sarkātī huī
Dūbte taare numūd-e-sub.h se sahme hue
malgajī dhundlāhaToñ meñ jhilmilā kar kho ga.e
dhuñdle dhuñdle naqsh lā-hāsil tamannāoñ kī raakh
raushnī ke dā.ere se duur yādoñ kā ḳhumār
bas yahī sub.heñ yahī shāmeñ yahī be-nām dard
umr bhar kī jidd-o-johd-e-shauq kā hāsil rahe
chilmanoñ ke is taraf se jagmagātī zindagī
sāmne aa kar naqāb-e-ruḳh ko sarkātī huī