chalo mil-jul ke ham rishtoñ ke bāsī-pan kā hal socheñ

achānak phir usī andāz se nazreñ milīñ apnī
jab ham ne pahle pahle ek-dūje ko sarāhā thā
vo hī be-sāḳhta sī sādgī ke pal ji.eñ phir se
vafā kā yā jafā kā zikr thā na naam rishtoñ kā
sabhī kuchh ham samajh baiTheñ haiñ aao ye bharam toḌeñ
kisī kone meñ to hogā koī ehsās an-jānā
chalo mil-jul ke ham rishtoñ ke bāsī-pan kā hal socheñ