kisī gumān kā saaya na shak kī parchhā.īñ

sarāb hai na jharoka nazar kī rāhoñ meñ

na intizār ke ma.anī na sabr ke paimāñ

kisī dishā meñ ufaq bhī nazar nahīñ aatā

añdherā jitnā javāñ hai bharose-mañd utnā

usī ke dam se charāġh-e-ḳhayāl raushan hai

chalo sitāroñ ko khojeñ jalā ke mish.al-e-dil

ufaq nahīñ hai to jugnū qatār band kareñ

yaqīn hai ki añdherā faqat añdherā hai

siyāhī kaalī sahī raushnā.ī hai phir bhī