Muzaffar Hanfi

eidi kaise baDhai jae

Muzaffar Hanfi

Khandwa, Madhya Pradesh, India

1936

bachchoñ ne iid par jab na.are bahut lagā.e

maañ baap ne bhī apne dukhḌe unheñ sunā.e

tum ḳhud kah rahe ho mahñgā.ī baḌh ga.ī hai

aam aadmī bechārā kyā khaa.e kyā bachā.e

patlūn silā.ī pachchānve rūpa.e

urfī ke boot sāḌhe-chhai-sau ruupe meñ aa.e

be-mel suiT ho to ban jaa.e muñh zaman

sastī agar ho Topī faizān bhinbhinā.e

bachpan meñ khelte the miTTī ke ham khilaune

bijlī se chalne vaale guDDe tumheñ dilā.e

jaa.ez nahīñ taqāzā lālach burī balā hai

na.are lagā ke tum ne ghar bhar pe zulm Dhaa.e

tum ne to apne dil ammī se kah sunā.ī

abbā ke dil se pūchho biptā kise sunā.e

ye baat bhī girah meñ paisoñ ke saath bāñdho

sachchī ḳhushī vahī hai jo muft haath aa.e

achchhā hameñ sivayyāñ mil-jul ke tum khilāo

ham ne tumhāre paise is eid se baḌhā.e

Top Urdushayar.com