dīvālī kī raat aa.ī hai tum diip jalā.e baiThī ho

ma.asūm umañgoñ ko apne siine se lagā.e baiThī ho

tasvīr ko merī phūloñ kī ḳhushbū meñ basā.e baiThī ho

āñkhoñ ke nashīle Doroñ par kājal ko biThā.e baiThī ho

maiñ duur kahīñ tum se baiThā ik diip kī jānib taktā huuñ

ik bazm sajā.e rakkhī hai ik dard jagā.e rakhtā huuñ

ḳhāmoshī merī sāthī hai aur dekhne vaalā koī nahīñ

ai kaash kahīñ se aa jaate jiine kā bahāna koī nahīñ