''mīrā-jī ko mānne vaale kam haiñ lekin ham bhī haiñ
'faiz' kī baat baḌī hai phir bhī ab vaisā kaun ā.egā''
taz.īn-e-suḳhan kī fikr na kar be-sāḳhta chal
uTh āñkheñ mal
haañ maan liyā par bahr kā kyā badle badlī har bahr badalne vaalī hai
jis rau meñ samundar laakh bhare vo rau phir chalne vaalī hai
jab ham ne paḌhā kab chavvan meñ ka.ī na.e to un ko pahchāne
kuchh sikka-band taraqqī-pasand is jur.at par bhī burā maane
aur jab ye chhapā aTThāvan meñ to 'faiz' bahut hī aage the
jeleñ afsāne majmūye
phir vaqt kā palḌā sirf siyāsat aur tash.hīr meñ jhuul gayā
do chaar purāne jame rahe par 'mīrā-jī' ko ek zamāna bhuul gayā
vo pakistan nahīñ aa.e
kaise aate
aur ab un kā dīvān chhapā
dobāra vahī darbār sajā
ab 'faiz' bhī haiñ aur 'rāshid' bhī
vo bahut baḌe par 'mīrā-jī'
ai yār-e-ġhayāb 'majīd-amjad'
ḳhāmosh shikār-e-rashk-o-hasad