tumhī ko aaj mire rū-ba-rū bhī honā thā
aur aise rañg meñ jis kā kabhī gumāñ bhī na ho
chaman meñ jaise kisī bāġhbāñ kī āñkhoñ ne
ravish ke saath hī nanhe se ek paude ko
ravish par sar ko uThā.e har ek soch se duur
maiñ apnī dhan meñ magan thā har taaza qadam
mire hī sāmne aa.ī hai aur sūrat meñ
nigāh tund ġhazabnāk dil kalām durusht
mujhe kisī ne batāyā hai aap ke ye dost
hamesha raat ga.e apne ghar ko aate haiñ
maiñ tujh se kahtī huuñ bahnā ye kyā zamāna hai
na apne naam kā kuchh paas hai na ghar kī laaj
mujhe ye fikr nahīñ naukaroñ ko aadat hai
ki par ko kavvā banāte haiñ raa.ī kā parbat